Saka het-trik etdi

Fransa millisi dünya çempionatının üçüncü yer uğrunda oyununda möhtəşəm geri dönüşə yaxın olsa da, hələ ki, buna nail ola bilmir.

90deqiqe.Az-ın məlumatına görə, 4 cavabsız qolla geri düşən fransızlar hesab arasındakı fərqi minimuma endirərək durumu 3:4-ə çatdırıblar. Lakin qarşılaşmanın 85-ci dəqiqəsində İngiltərə millisi cərimə zərbəsi qazanıb. Cəd Spens rəqib cərimə meydançasında topu önünə atarkən Malo Güsto tərəfindən aşkar qayda pozuntusuna məruz qalıb.

On bir metrlik cərimə zərbəsini Bukayo Saka dəqiq yerinə yetirib. O, topu qapının sağ küncünə göndərib, qapıçı Maykl Menyan isə əks istiqamətə tullanıb. Bununla da hesab 5:3 İngiltərənin xeyrinə dəyişib.

Beləliklə, İngiltərə millisinin dünya çempionatının bürünc medallarını qazanmağa çox yaxın olduğu görünür.

Qeyd edək ki, Bukayo Saka bu qarşılaşmada üç qol vuraraq het-trikə imza atıb.

Fransa – İngiltərə görüşünün son dəqiqələrinin gedişini mətnli canlı yayım vasitəsilə izləmək mümkündür.