"Futboldan getmək fikrim yoxdur"

Fransa millisinin baş məşqçisi Didye Deşam yığmadan ayrıldıqdan sonra gələcək planları barədə danışıb.

90deqiqe.Az-ın məlumatına görə, 57 yaşlı mütəxəssis məşqçilik karyerasını başa vurmaq niyyətində olmadığını bildirib.

"Məni gələcəkdə nəyin gözlədiyini bilmirəm. Amma bu, həm fərqli, həm də yaxşı bir mərhələ olacaq. Nə qənnadçı, nə də siyasətçi olmağı düşünürəm. Futboldan ayrılmayacağam. Bu sahədə fəaliyyət göstərmək üçün müxtəlif imkanlar var", – deyə Deşam bildirib.

Qeyd edək ki, Deşam 14 il Fransa millisinə rəhbərlik edib. Onun rəhbərliyi altında komanda 2018-ci ildə dünya çempionu olub, 2021-ci ildə Millətlər Liqasının qalibi adını qazanıb, 2022-ci il dünya çempionatında isə finala yüksəlib.

Əlavə edək ki,, Fransa millisinin baş məşqçisi postunda Didye Deşamı Zinəddin Zidanın əvəzləyəcəyi gözlənilir.