"Messi dünyanın ən yaxşı futbolçusudur"

Kabo-Verde millisinin qapıçısı Jozimar Vozinya futbol üzrə dünya çempionatının 1/16 final mərhələsində qarşılaşdığı Argentina millisinin kapitanı Lionel Messi barədə fikirlərini bölüşüb.

90deqiqe.Az-ın məlumatına görə, təcrübəli qolkiper argentinalı ulduzu dünyanın ən yaxşı futbolçusu adlandırıb.

"Messini təqdim etməyə ehtiyac yoxdur. O, dünyanın ən yaxşı futbolçusudur və bunu artıq 20 ildir sübut edir. Belə bir futbolçuya qarşı oynamaq mənim üçün böyük şərəf idi", – deyə Vozinya bildirib.

Qeyd edək ki, Lionel Messi bu gün keçiriləcək dünya çempionatının final görüşündə Argentina millisinin heyətində meydana çıxacaq. Argentina həlledici qarşılaşmada İspaniya millisi ilə üz-üzə gələcək.