Klopp Almaniya millisini çalışdıracağını təsdiqlədi

Almaniyalı mütəxəssis Yurgen Klopp Almaniya millisinin baş məşqçisi postuna təyinatını təsdiqləyib.

90deqiqe.Az-ın məlumatına görə, "Magenta TV" təcrübəli çalışdırıcının dediklərini belə çatdırıb.

"Artıq rəsmi açıqlamaya çox az qalıb. Ümid edirəm ki, bunu yaxın bir neçə gün ərzində elan edəcəyik", - deyə Klopp bildirib.

Bildirilib ki, 59 yaşlı mütəxəssis iyulun 24-də Frankfurtda Almaniya Futbol İttifaqı ilə müqavilə imzalayacaq. Onun sözləşməsinin 2030-cu il dünya çempionatının sonunadək nəzərdə tutulduğu vurğulanıb.

Qeyd edək ki, Klopp 2025-ci ildən "Red Bull" şirkətində beynəlxalq futbol əlaqələri üzrə direktor vəzifəsində çalışır. Bununla belə, o, Almaniya millisinə rəhbərlik etmək təklifini qəbul edib.

Xatırladaq ki, Yurgen Klopp 2015-2024-cü illərdə İngiltərənin "Liverpul" klubunun baş məşqçisi olub və bu komanda ilə ölkə çempionluğu, Çempionlar Liqası, Klublararası dünya çempionatı və digər nüfuzlu titulları qazanıb.