"Ən yaxşı formasına qayıdıb"

İngiltərə millisinin sabiq futbolçusu Alan Şirer İspaniya və Argentina milliləri arasında keçirilən dünya çempionatının finalını şərh edərkən İspaniya yığmasının yarımmüdafiəçisi Rodrinin oyununu yüksək qiymətləndirib.

90deqiqe.Az-ın məlumatına görə, "BBC One" sabiq futbolçunun dediklərini belə çatdırıb.

"Rodri çox vacib futbolçudur. Onun topu irəli daşımasını və Lamine Yamala dəqiq ötürmələr verməsini gördük. Rodri yenidən ən yaxşı formasına qayıdıb", - deyə Şirer bildirib.

Qarşılaşmanın ilk dəqiqələrində ərazi üstünlüyünə malik olan İspaniya millisi bir neçə dəfə Argentina qapısı önündə təhlükəli vəziyyət yaratmağa müvəffəq olub. Emiliano Martines isə qapısını toxunulmaz saxlaya bilib.