Martines dünya çempionatının finalında tarixi rekorda imza atdı

Argentina millisinin qapıçısı Emiliano Martines 2026-cı il futbol üzrə dünya çempionatının İspaniyaya qarşı keçirilən finalında əsas vaxt ərzində 10 seyv edərək tarixi nailiyyətə imza atıb.

90deqiqe.Az-ın məlumatına görə, beləliklə, təcrübəli qolkiper dünya çempionatları tarixində final oyununda ən çox seyv edən qapıçı olub.

Hazırda ABŞ-nin İst-Raterford şəhərində yerləşən "Metlayf" stadionunda keçirilən qarşılaşmada hesab açılmayıb.

Qeyd edək ki, İspaniya millisi yarımfinalda Fransanı 2:0 hesabı ilə məğlub edib. Argentina isə İngiltərəni 2:1 hesabı ilə üstələyərək finala yüksəlib.

Xatırladaq ki, Argentina millisi dünya çempionatının son qalibidir. Komanda 2022-ci ildə keçirilən mundialın finalında Fransa ilə əsas vaxtı 3:3 hesabı ilə başa çatan oyundan sonra penaltilər seriyasında 4:2 hesablı qələbə qazanaraq dünya çempionu olmuşdu.