"Millidə böyük dəyişikliklər etməyəcəyəm"

Portuqaliya millisinin yeni baş məşqçisi Jorje Jezuş komandanın heyəti ilə bağlı planlarından danışıb.

90deqiqe.Az-ın məlumatına görə, təcrübəli mütəxəssis bildirib ki, vəzifəyə gəldikdən sonra millidə ciddi dəyişikliklər etməyi düşünmür.

"Düşünə bilərsiniz ki, yeni baş məşqçi gəlib çoxlu futbolçunu dəyişəcək. Amma belə olmayacaq. Mən ağılsız deyiləm. Üstəlik, əvvəllər milli komandaya çağırılmayan çoxlu futbolçunu sınaqdan keçirmək üçün kifayət qədər vaxt da yoxdur.

Şübhəsiz ki, qarşıdakı dörd il ərzində milli komandada yeni simalar meydana çıxacaq. Ancaq Millətlər Liqası üçün formalaşdırılacaq heyət dünya çempionatındakı heyətdən ciddi şəkildə fərqlənməyəcək. Təxminən iki və ya üç yeni futbolçu komandaya cəlb olunacaq"

Qeyd edək ki, Jorje Jezuş daha əvvəl Kriştianu Ronaldonu Portuqaliya futbolunun simvolu adlandırmış və heyətlə bağlı yekun qərar veriləcəyi vaxt onunla mütləq söhbət edəcəyini açıqlamışdı.