"Naqelsmannın istefası həyatımın ən pis günlərindən biri idi"

Almaniya millisinin yeni baş məşqçisi Yurgen Klopp sələfi Yulian Naqelsmann haqqında diqqətçəkən fikirlər səsləndirib.

90deqiqe.Az xəbər verir ki, almaniyalı mütəxəssis bu barədə "Sky Sport Germany" nəşrinə açıqlamasında danışıb.

"2026-cı il dünya çempionatından sonra Naqelsmannla danışmamışıq. Ona böyük hörmətim var. Onun istefaya göndərildiyini öyrəndiyim gün həyatımın ən pis günlərindən biri idi. Ona gələcək karyerasında uğurlar arzulayıram", - deyə Klopp bildirib.

Qeyd edək ki, Yurgen Klopp Almaniya Futbol İttifaqı ilə 2030-cu ilə qədər nəzərdə tutulan uzunmüddətli müqavilə imzalayıb.

Xatırladaq ki, Yulian Naqelsmann Almaniya millisinin 2026-cı il dünya çempionatındakı uğursuz çıxışından sonra vəzifəsindən ayrılıb. "Bundestim" mundialın 1/16 final mərhələsində Paraqvay millisinə penaltilər seriyasında məğlub olaraq turnirlə erkən vidalaşmışdı.