"Rəqibə həmişə hörmətlə yanaşdıq"

Argentina millisinin müdafiəçisi Lisandro Martines dünya çempionatının finalında İspaniyaya məğlub olduqları qarşılaşmanı xatırlayaraq səsləndirilən tənqidlərə münasibət bildirib.

90deqiqe.Az xəbər verir ki, "derbyderbyderby.it"  futbolçunun fikirlərini belə çatdırıb.

"Məndə qarışıq hisslər var. Bu qədər söz-söhbətin haradan qaynaqlandığını başa düşmürəm. Biz oyun boyu rəqibə qarşı həmişə korrekt və hörmətli davrandıq", – deyə Martines bildirib.

Xatırladaq ki, Argentina millisi dünya çempionatının finalında əlavə vaxtda İspaniyaya 0:1 hesabı ilə məğlub olub. Bu, Cənubi Amerika təmsilçisinin mundial tarixində yeddinci finalı və dördüncü final məğlubiyyəti olub.

Qeyd edək ki, İspaniya millisi tarixində ikinci dəfə dünya çempionu olmaqla bu uğura iki dəfədən çox imza atan altıncı ölkə kimi tarixə düşüb. İspanlar həmçinin XXI əsrdə dünya çempionluğunu iki dəfə qazanan ilk milli komanda olublar.