Maurisio Poçettino ABŞ millisi ilə yeni müqavilə imzaladı

ABŞ Futbol Federasiyası milli komandanın baş məşqçisi Maurisio Poçettino ilə müqavilənin müddətini uzadıb.

90deqiqe.Az-ın məlumatına görə, argentinalı mütəxəssislə imzalanan yeni anlaşma 2030-cu ilin sonunadək qüvvədə olacaq. Bununla da 54 yaşlı çalışdırıcı ABŞ yığmasını 2030-cu il dünya çempionatına hazırlayacaq.

Xatırladaq ki, Maurisio Poçettino 2024-cü ildən ABŞ millisinin baş məşqçisidir. Onun rəhbərliyi altında komanda 2025-ci il KONKAKAF Qızıl Kubokunda finala yüksəlib.

ABŞ yığması həmçinin ev sahibliyi etdiyi 2026-cı il dünya çempionatında 1/8 final mərhələsinə qədər irəliləyib və bu raundda Belçikaya məğlub olaraq mübarizəni dayandırıb.