“O, tarixdə ən yaxşı futbolçudur”

“Barselona”nın sabiq futbolçusu Karles Puyol Lionel Messinin 2026-cı il dünya çempionatında Argentina millisinin heyətindəki çıxışını dəyərləndirib.

90deqiqe.Az  xəbər verir ki, ispaniyalı keçmiş müdafiəçi “Marca”ya açıqlamasında argentinalı ulduzun turnirdəki oyununu yüksək qiymətləndirib.

“Messinin etdikləri inanılmazdır. O, liderdir. Argentina millisinin finala yüksəlməsində Lionel böyük rol oynadı, çünki komanda qeyri-sabit çıxış edirdi. Mənim üçün o, futbol tarixinin ən yaxşısıdır və karyeralarının ilk mərhələsində olan gənc futbolçular üçün nümunədir”, - deyə Puyol bildirib.

Qeyd edək ki, 39 yaşlı Lionel Messi DÇ-2026-da 8 qol vurub və 4 məhsuldar ötürmə edib. Argentina finalda İspaniyaya 0:1 hesabı ilə məğlub olaraq mundialı ikinci pillədə başa vurub.

Puyol həmçinin argentinalı futbolçunun atasının vəfatı ilə bağlı Messi ilə həmrəy olduğunu bildirib və onu pozitiv düşünməyə çağırıb.

Xatırladaq ki, dünya futbolunun əfsanəsi Lionel Messi iyun ayında 39 yaşını qeyd edib.