Dik Advokat Kurasao millisində işini davam etdirəcək

Niderlandlı mütəxəssis Dik Advokat Kurasao millisinin baş məşqçisi vəzifəsində fəaliyyətini davam etdirəcək.

90deqiqe.Az-ın Kurasao Futbol Federasiyasının rəsmi saytına istinadən məlumatına görə, 78 yaşlı çalışdırıcı ilə yeni müqavilə imzalanıb. Yeni əmək müqaviləsi 2027-ci ilin yayına qədər qüvvədə olacaq.

“Biz birlikdə xüsusi bir uğura imza atdıq və futbolçularım və məşqçilər korpusumla işimizi davam etdirmək, artıq əldə etdiklərimizi daha da inkişaf etdirmək imkanını səbirsizliklə gözləyirəm”, - deyə Advokat bildirib.

Dik Advokat 2024-cü ildən Kurasao millisinin baş məşqçisidir. Onun rəhbərliyi altında komanda tarixində ilk dəfə dünya çempionatına vəsiqə qazanıb.

2026-cı il dünya çempionatında Kurasao millisi qrup mərhələsində bir xal toplayaraq sonuncu pillədə qərarlaşıb.