Portuqaliya millisinin baş məşqçisi Ronaldonun gələcəyi barədə danışdı

Portuqaliya millisinin baş məşqçisi Jorje Jezuş Kriştiano Ronaldonun 2030-cu ildə keçiriləcək dünya çempionatında iştirak ehtimalı ilə bağlı sualı cavablandırıb.

90deqiqe.Az-ın “The Touchline"yə istinadən məlumatına görə,  təcrübəli mütəxəssis bu mövzunun müzakirəsi üçün hələ çox tez olduğunu bildirib.

“Bu sualları başa düşürəm, bunlar baş verənlərin bir hissəsidir. Amma biz artıq 2030-cu ili müzakirə etməyə başlamışıq? Həmin vaxta qədər dörd il var. Futbolda hər şey günbəgün, hətta aydan-aya dəyişir. Növbəti oyun ən vacibidir. Mövzunu dəyişməyin mənası yoxdur. Hazırda Norveçlə oyunu düşünürük”, - deyə Jorje Jezuş bildirib.

Qeyd edək ki, son günlər Kriştiano Ronaldonun Portuqaliya millisinin düşərgəsini icazəsiz tərk etdiyi və milli komandada çıxışını dayandırmaq niyyətində olduğu barədə iddialar yayılıb.

2030-cu ildə keçiriləcək dünya çempionatı zamanı Ronaldonun 45 yaşı olacaq.