Uruqvay Hindistanı darmadağın etdi

Uruqvay millisi yoldaşlıq oyununda Hindistan seçməsini böyük hesabla məğlub edib.

90deqiqe.Az-ın məlumatına görə, Cənubi Amerika təmsilçisi rəqibinə 6:1 hesabı ilə qalib gəlib.

Uruqvay 11-ci dəqiqədə Darvin Nunyesin qolu ilə hesabı açıb. Hindistan 22-ci dəqiqədə Anirudh Thapanın qolu ilə tarazlığı bərpa edib.

Lakin Uruqvay fasiləyə qədər yenidən önə keçib. 28-ci dəqiqədə Maksimiliano Xavyer Arauxo Vilçes fərqlənərək hesabı 2:1 edib.

İkinci hissədə isə Uruqvay üstünlüyünü daha da artırıb. 53-cü dəqiqədə Rodriqo Salazar, 59-cu dəqiqədə isə Arauxo Vilçes fərqlənib. Beləliklə, Arauxo Vilçes dublunu rəsmiləşdirib.

Uruqvay 71-ci dəqiqədə Xuan Sanabriyanın, 86-cı dəqiqədə isə Rodriqo Aqirrenin qolları ilə yekun hesabı müəyyənləşdirib – 6:1.

Beləliklə, Uruqvay yığması Hindistan üzərində inamlı qələbə qazanıb.