Luis de la Fuente mövsümün ən yaxşı məşqçisi seçildi

İspaniya milli komandasının baş məşqçisi Luis de la Fuente 2025/2026 mövsümünün ən yaxşı məşqçisi adına layiq görülüb.

90deqiqe.Az-ın məlumatına görə, bu barədə “Qızıl top” mükafatının rəsmi saytı məlumat yayıb.

Qeyd edək ki, de la Fuentenin rəhbərliyi altında İspaniya millisi ötən yay 2026-cı il dünya çempionatının qalibi olub. 2022-ci ildən yığmaya rəhbərlik edən mütəxəssisin müqaviləsi 2032-ci ilə qədər qüvvədədir.

İspaniyalı məşqçi daha əvvəl millinin başında Avropa çempionatının və UEFA Millətlər Liqasının qalibi olub.

Xatırladaq ki, ötən il bu mükafatı PSJ-nin baş məşqçisi Luis Enrike qazanmışdı. O, Paris təmsilçisi ilə UEFA Çempionlar Liqası da daxil olmaqla bir sıra nüfuzlu turnirlərin qalibi olmuşdu.