“Formula 1" üzrə Səudiyyə Ərəbistanı qran-prisinə yekun vurulub. Corner.az xəbər verir ki, 50 dövrəlik mübarizənin qalibi adını son dünya çempionu "Red Bull" komandasının niderlandlı pilotu Maks Ferstappen qazanıb.
24 yaşlı pilot "Ferrari" pilotları Şarl Lekler və Karlos Saynsı geridə qoyub. "Red Bull"un daha bir pilotu Serxio Peres isə dördüncü olub.
Mövsümün ikinci qran-prisindən sonra xalını 45-ə çatdıran Lekler şəxsi hesabda liderliyini möhkəmlədib. Sayns 33 xalla 2-ci, Ferstappen 25 xalla 3-cüdür.
Konksruktorların mübarizəsində isə "Ferrari" 78 xalla 1-ci, "Mercedes" 38 xalla 2-ci, "Red Bull" 37 xalla 3-cüdür.
