Maks Ferstappen ilin ən yaxşı pilotu seçilib

Formula 1 yarışlarında son iki mövsümün qalibi olan “Red Bull”un üzvü Maks Ferstappen Böyük Britaniyanın nüfuzlu “Autosport” nəşrinin versiyasına görə ilin ən yaxşı pilotu seçilib.

Corner.Az xəbər verir ki, ikinci pillədə Ferrari”nin pilotu Şarl Lekler yer alıb. Üçüncü yerə isə ralli üzrə son dünya çempionu finlandiyalı Kalle Rovanperya tutub.

Bu mövsüm heç bir Formula 1 mərhələsində finiş xəttini birinci keçə bilməyən Luis Hamilton ən yaxşı pilotlar arasında dördüncü pillədə qərarlaşıb.

“Autosport”un baş mükafatına sahib çıxan Maks Ferstappen Niderlandda da ilin idmançısı mükafatına layiq görülüb. Pilot 2016 və 2021-ci illərdə də ölkəsinin ən yaxşı idmançısı seçilib.