Lekler: "Ferrari hələ də çempionluq üçün mübarizə apara bilər"

"Ferrari" komandasının pilotu Çarlz Lekler, son yarışlarda uğursuzluqlara baxmayaraq, "Scuderia"nın hələ də" Konstruktorlar Kuboku"nda çempionluq uğrunda mübarizə apara biləcəyinə inandığını ifadə edib.

90deqiqe.Az xəbər verir ki, o, bu haqda BBC-yə danışıb:

“Son bir neçə yarışda performans baxımından istədiyimiz yerdə olmadıq. Əsas məqsədim pole və qələbələr uğrunda mübarizə apardığımız performanslara geri qayıtmaqdır. Komandamın, maşının təkmilləşdirilməsinin potensialını maksimuma çatdırdıqdan sonra Red Bullvə McLaren ilə rəqabətdə olacağını gözləyirəm.

Hələ də çempionluğun bizim üçün mümkün olduğuna inanıram. Mənim üçün pozitiv və motivasiyalı qalmaq vacibdir. Sonda 0,2 saniyədən danışırıq. Hamısını topladıqda bu o qədər də böyük bir fərq deyil. Hər bir detal üzərində diqqətimizi cəmləşdirməliyik. Mövsüm uzun olduğundan hələ də buna inanıram". 

Daha əvvəl "Ferrari"nin Macarıstan Qran Prisi üçün son yarışlarda qarşılaşdığı tullanma problemlərindən qurtulmağa kömək edəcək yeniliklər hazırladığı bildirilmişdi.