"Azərbaycan Qran-Prisinin karyeramda xüsusi yeri var"

"Azərbaycan Qran-Prisinin karyeramda xüsusi yeri var. Burada 20 pilotdan biri olmaq böyük şansdır".

90deqiqe.Az  xəbər verir ki, bu sözləri "Haas" komandasının pilotu Oliver Berman Bakıda keçiriləcək Formula 1 Azərbaycan Qran-Prisindən öncə təşkil olunmuş mətbuat konfransında deyib.

19 yaşlı britaniyalı sürücü Bakıda ilk yarışının olmadığına da toxunub: "Komandam məndə potensial gördü. Əlbəttə ki, çox çalışmışam. Buna görə də mənə ümidlər böyükdür. Bu, mənim Bakıdakı ilk yarışım olmayacaq. Düşünürəm ki, risk almaq lazımdır. Bunu etməsəm, gücümü göstərə bilməyəcəyəm.Yarışdan-yarışa təcrübəmin artdığını hiss edirəm. Nəticədən asılı olmayaraq, hər andan həzz almağa çalışacağam".

Qeyd edək ki, Azərbaycan Qran-Prisi sentyabrın 13-15-də keçiriləcək.(azərtac)