- Formula-1
- 22:44 23.02.2025
Formula 1 komandası "Aston Martin" 2025 Formula 1 mövsümü üçün yenilənmiş avtomobilini təqdim edib.
90deqiqe.Az-ın məlumatına görə, avtomobil ilk dəfə təqdimatdan bir gün sonra, fevralın 24-də Bəhreyn avtodromunda trasa çıxacaq.
Bəhreyndə mövsümöncəsi sınaqlar fevralın 26-da başlayır. Yeni Formula 1 mövsümü martın 14-dən 16-dək Avstraliyada keçiriləcək turla açılacaq.
Xatırladaq ki, 2025-ci il mövsümündə komandada ikiqat dünya çempionu ispan pilot Fernando Alonso və kanadalı Lans Stroll olacaq. 2024-cü il mövsümünün sonunda onlar Komandalar Kubokunda beşinci yeri tutublar.
Əlavə edək ki, fevralın 18-də Britaniya komandası artıq yeni avtomobilinin liveriyasını nümayiş etdirmişdi.
