Şarl Lekler Macarıstan Qran-prisində poul qazanıb

Formula 1 üzrə Macarıstan Qran-prisinin təsnifat mərhələsində "Ferrari"nin pilotu Şarl Lekler birinci olub.

90deqiqe.Az xəbər verir ki, monakolu pilot 1:15.372 nəticə ilə poul mövqeyini qazanıb.

İkinci və üçüncü yerləri müvafiq olaraq "McLaren"in sürücüləri Oskar Piastri (+0.026) və Lando Norris (+0.041) tutublar.

Dördqat dünya çempionu və hazırkı titullu pilot Maks Ferstappen ("Red Bull") səkkizinci yerdə qərarlaşıb. Onun nəticəsi liderdən +0.356 saniyə geridə olub.

Yeddiqat dünya çempionu Lyuis Hemilton ("Ferrari") isə yalnız 12-ci nəticə göstərib.

Macarıstan Qran-prisi – Təsnifat mərhələsi nəticələri:

1. Şarl Lekler (“Ferrari”) – 1:15.372

2. Oskar Piastri (“McLaren”) +0.026

3. Lando Norris (“McLaren”) +0.041

4. Corc Rassell (“Mercedes”) +0.053

5. Fernando Alonso (“Aston Martin”) +0.109

6. Lens Stroll (“Aston Martin”) +0.126

7. Qabriel Bortoleto (“Kick-Sauber”) +0.353

8. Maks Verstappen (“Red Bull”) +0.356

9. Liam Lavson (“Racing Bulls”) +0.449

10. İsak Hacjar (“Racing Bulls”) +0.543