"Onlar Maks haqqında səhv fikirdədirlər"

"Red Bull" komandasının dördqat Formula 1 çempionu Maks Verstappenin atası, keçmiş Formula 1 pilotu Jos Verstappen oğlunun sosial şəbəkədə və mediada mənfi imicinə münasibət bildirib.

90deqiqe.Az xəbər verir ki, "De Telegraaf" onun dediklərini belə çatdırıb.

"Düşünürəm ki, bir çox insanlar, xüsusən də britaniyalılar onun haqqında səhv fikirdədirlər. Onlar onun axmaq və ya buna bənzər bir şey olduğunu düşünürlər. Bəlkə də bu, sosial medianın hazırkı inkişafı ilə bağlıdır. Amma mən bunu qətiyyən qəbul etmirəm",

2025-ci il mövsümündə 14 turdan sonra dördqat çempion 187 xala malikdir və sürücülər sıralamasında üçüncüdür. McLaren sürücüləri Oskar Piastri və Lando Norris 284 və 275-ə sahibdirlər.