- Formula-1
- 19:43 04.12.2025
35 yaşlı Formula 1 sürücüsü Valtteri Bottas “Mercedes” komandasının ehtiyat sürücüsü olsa da, yarışçı qismində geri dönsə belə, 5 yerlik cəzanı ödəmək məcburiyyətində qalacaq.
90deqiqe.Az-ın "The Race"yə istinadən məlumatına görə, 2026-cı ildən qüvvəyə minəcək yeni qaydalar yalnız gələcəkdə veriləcək cəzaları əhatə edir.
FİA nümayəndəsi finlandiyalı pilotçunun cəzasının əvvəldən qüvvəyə mindiyini və geri götürülməsi qaydalarla mümkün olmadığını bildirib:
“Hazırda cəza qüvvədə qalır, çünki geriyə doğru tətbiq ediləcək mexanizm mövcud deyil. 2026-cı il qayda dəyişikliyi yalnız gələcəkdə belə halların qarşısını almaq üçün nəzərdə tutulub”.
Bottas 8 dekabr 2024-cü ildə “Kick-Sauber” komandasında son yarışında, Abu-Dabi Qran-Prisində, ilk dövrədə “Red Bull” sürücüsü Serxio Peresin maşınına toxunaraq ön qanadı zədələmişdi. Bu insident nəticəsində finlandiyalı sürücü cəza alıb.
Eyni zamanda Bottasın 2026-cı il mövsümündə “Cadillac” komandasının yarışçısı olacağı gözlənilir.
