“Uilyams” Karloz Saynsın Niderland Qran-Prisində aldığı cəzaya etiraz edəcək

Formula-1 komandası “Uilyams” İspaniyalı sürücü Karloz Saynsın Niderland Qran-Prisində aldığı cəzaya etiraz etməyə hazırlaşır.

90deqiqe.Az-ın məlumatına görə, bu barədə "The Race" məlumat yayıb.

Komanda Beynəlxalq Avtomobil Federasiyasına (FIA) cəzanın yenidən nəzərdən keçirilməsi üçün müraciət edib.

Xatırladaq ki, Sayns 10 saniyəlik cəza alıb. Bu, onun Yeni Zelandiyalı “Reysinq Bullz” sürücüsü Liyam Loosonla toqquşması ilə bağlıdır. Hadisə, təhlükəsizlik avtomobili periodundan sonra birinci döngədə, Sayns xarici trayektoriyadan keçməyə çalışarkən baş verib.

“Uilyams”ın mövqeyinə görə, hakimlər Loosonun avtomobilindəki onbord kameraya baxmaya bilər. Onun göstəricilərinə görə, qəza Looson maşını solda idarə etməli olduğundan baş verib.