“Norris ilə rəqabətimizdə heç nə dəyişməyəcək”

"MakLaren"in pilotu Oskar Piastri komanda yoldaşı Lando Norris ilə çempionluq uğrunda mübarizə barədə danışıb.

90deqiqe.Az-ın məlumatına görə, "BBC " avstraliyalı pilotçunun dediklərini belə çatdırıb. 

"Heç nə dəyişəcəyini gözləmirəm. Fikrimcə, biz əvvəlki kimi bir-birimizlə mübarizə aparacağıq. İkimiz də mümkün qədər sürətli olmağa çalışırıq. Bu baxımdan heç nəyi gizlətmirik. Ona görə də gözləmirəm ki, vəziyyət dəyişsin. Mən yanaşmamı dəyişmirəm və bu da dəyişməyəcək – yalnız xal fərqi çox böyüyərsə və ya qalan yarışların sayı əhəmiyyətli dərəcədə az olarsa, onda fərqli ola bilər" 

Qeyd edək ki, hazırda Piastrinin 309, Norrisin isə 275 xalı var.