Lando Norris İtaliya Qran-prisinin ikinci sərbəst yürüşündə lider oldu

“MakLaren”in pilotu Lando Norris İtaliya Qran-prisinin ikinci sərbəst yürüşündə ən sürətli nəticəni əldə edib.

90deqiqe.Az-ın məlumatına görə, ikinci yeri “Ferrari”nin pilotu Şarl Lekler tutub, üçüncü isə “Villiams”ın sürücüsü Karlos Sains olub.

Dünya çempionatı lideri və “MAKLaren” pilotu Oskar Piastri sessiyanı dördüncü yerdə başa vurub. Yeddiqat dünya çempionu, “Ferrari” sürücüsü Luis Hemilton beşinci, dördqat və cari dünya çempionu Maks Verstappen (“Red Bull”) isə altıncı olub.

Qeyd edək ki, “Mercedes” pilotu Andrea Kimi Antonelli sessiyanın ilk dəqiqələrində trasdan çıxaraq qum sahəsinə düşüb.