2026-cı il Formula 1 mövsümündə Montreal yarışı bu saatda başlayacaq

2026-cı ildə Montreal şəhərində keçiriləcək Formula 1 yarışı yerli vaxtla saat 17:00-da start götürəcək, bu isə adi vaxtdan iki saat gecdir.

90deqiqe.Az xəbər verir ki, qərar həmin gün, 24 may, keçiriləcək “Indianapolis 500” yarışı ilə üst-üstə düşməmək üçün qəbul olunub. Bu barədə rəsmi Formula 1 saytı məlumat yayıb.

Digər Avropa mərhələləri isə 17:00 (Bakı vaxtı) planlaşdırılıb, yalnız Böyük Britaniya Qran-prisi 18:00-da start götürəcək. Axşam və gecə yarışları Bəhreyn, Səudiyyə Ərəbistanı, Sinqapur, Las-Veqas, Qətər və Abu-Dabidə keçiriləcək. Mayami yarışı da yerli vaxtla 17:00-da başlayacaq.

20–21 noyabrda keçiriləcək Las-Veqas mərhələsi yerli vaxtla axşam, Bakı vaxtı ilə isə səhər saat 8:00-da olacaq.

2026 mövsümündə sprint yarışları formatı davam edəcək: altı mərhələ sprint həftəsonlarında keçiriləcək, bunlara yeni məkanlar – Montreal, Zandvort və Sinqapur – daxil olacaq.