“Heç vaxt təslim olmayacağam”

Yeddiqat Formula-1 çempionu Luis Hemilton çətinliklərə baxmayaraq təslim olmayacağını açıqlayıb.

90deqiqe.Az xəbər verir ki, təcrübəli pilotçu bu barədə sosial şəbəkə hesabında paylaşımında yazıb:

“Komandama dəstək oluram. Özümə dəstək oluram. Heç vaxt təslim olmayacağam. İndi də, sonra da, heç vaxt. Təşəkkür edirəm, Braziliya, həmişə.”

Qeyd edək ki, son Braziliya Qran-prisində Hemilton startda “Uilyams” pilotu Karlos Sayns ilə toqquşub və bolidin alt hissəsi ciddi zədələnib. Nəticədə britaniyalı pilot yarışdan çıxmalı olub.

Yarışı isə “Maklaren” pilotu Lando Norris qazanıb.