Villi Veber Şumaxeri Verstappenlə müqayisə etdi

Formula-1 üzrə yeddidəfə dünya çempionu Mixael Şumaxerin keçmiş meneceri Villi Veber Şumaxer və “Red Bull” pilotu Maks Verstappen arasındakı fərqləri şərh edib.

90deqiqe.Az xəbər verir ki, “F1-Insider” Veberin dediklərini belə çatdırıb.

“Maks instinkt pilotudur: o, intuisiyasına güvənir və demək olar ki, həmişə düzgün qərar qəbul edir. Mihael isə hər hərəkəti hesablayır, hər manevrini incəliklə planlayırdı. Lakin onları birləşdirən cəhət var – tam özünü vermək. Onlar şöhrət və ya şou üçün yarışmırlar. Əldə etdikləri hər şey idmanın xeyrinədir”

Qeyd edək ki, daha əvvəl Verstappenin Braziliya Qran-prisi üçün “Red Bull”un yeni mühərrik xərclərinin büdcə limiti çərçivəsində olub-olmaması müzakirə edilirdi.