Şumaxer beş dəfə ardıcıl titul qazanan yeganə F1 sürücüsü olaraq qalır

56 yaşlı alman əfsanəsi və yeddiqat Formula-1 çempionu Mixael Şumaxer 2025 mövsümünün yekunlarına görə beş dəfə ardıcıl titul qazana bilmiş yeganə pilot olaraq tarixə düşüb.

90deqiqe.Az-ın məlumatına görə, 2025-ci ilin son mərhələsində “Red Bull” komandası ilə çıxış edən dördqat çempion Maks Verstappen beşinci titulu qazanaraq Şumaxer ilə eyni uğuru təkrarlaya bilərdi.

Lakin Abu Dabidə çempionluğu 26 yaşlı britaniyalı Lando Norris (“Maklaren”) əldə etdi və bu onun karyerasında ilk titul oldu.

Mixael Şumaxer bu nailiyyətə XXI əsrin əvvəlində – 2000-2004-cü illərdə “Ferrari” ilə çıxış edərkən nail olmuşdu.