Fernando Alonso Abu Dabi yarışını şərh edib

44 yaşlı ikiqat F1 çempionu Fernando Alonso (“Aston Martin”) Abu Dabi Qran-prisində baş tutan titul mübarizəsinə dair fikirlərini bölüşüb.

90deqiqe.Az xəbər verir ki, "DAZN" ispaniyalı sürücünün dediklərini belə çatdırıb.

“Yarışda xüsusi bir hadisə olmadı. Onun darıxdırıcı olub-olmadığını bilmirəm — maşından baxanda uzun və darıxdırıcı görünürdü, amma tamaşaçılar üçün necə keçdiyini bilmirəm. Mən vəziyyəti bir qədər izlədim. Piastri uzun müddət birinci idi, amma məncə, bu onun hələ pit-stop etməməsi ilə bağlı idi. Buna görə bir az qarışıqlıq yaşadım.

Mübarizəni tam izləyə bilmirdim və komandadan Piastrinin dayanıb-dayanmadığını soruşmaq istəmirdim, çünki onlar mənim öz yarışımla maraqlandığımı düşünə bilərdilər. Hamısı bunu haqq edir, amma qalib yalnız biri ola bilərdi. Bu il Lando qalib gəldi, amma hər üçü əla iş gördü”