Hemilton və Adami gələn mövsümdə də birlikdə çalışacaq

“Ferrari”nin britaniyalı pilotu Luis Hemiltonun yarış mühəndisi Rikardo Adami 2026-cı ildə də onunla əməkdaşlığı davam etdirəcək.

90deqiqe.Az-ın "AutoRacer"ə istinadən məlumatına görə,  mövsümün sonunda Hemilton və Adami şəxsi görüş keçirərək şam yeməyində 2026-cı il üçün əməkdaşlıq qərarını təsdiqləyiblər.

Qeyd edək ki, daha əvvəl komandanın rəhbəri Frederik Vassər Hemiltonun yarış mühəndisinin dəyişdirilə biləcəyini istisna etmirdi.

Hemilton 2025-ci ilin əvvəlində “Ferrari”yə keçib. Lakin debüt mövsümündə o, karyerasında ilk dəfə Qran-pridə podiuma yüksəlməyib və çempionatı altıncı pillədə başa vurub, komanda yoldaşı Şarl Leklerin 86 xal gerisində qalıb.