“Red Bull”da ab-hava köklü şəkildə dəyişib"

Formula-1 üzrə dünya çempionu Maks Verstappenin atası Yos Verstappen “Red Bull” komandasının yeni rəhbəri Loran Mekisə tam etimad göstərdiyini və onun işinə artıq müdaxilə etmək istəmədiyini bildirib.

90deqiqe.Az-ın "F1 Oversteer"ə istinadən məlumatına görə, onun sözlərinə görə, Kristian Hornerin komandadan uzaqlaşdırılmasından və bu ilin iyulunda Mekisin rəhbər təyin olunmasından sonra kollektivdəki atmosfer tamamilə dəyişib. O vurğulayıb ki, yeni komanda rəhbəri əvvəlkindən fərqli üslubda çalışır.

“Loran proaktivdir. O, mühəndislərlə məsləhətləşməyi bacaran, düzgün suallar verən rəhbərdir. Mühəndislərə çağırış edir. Bundan əlavə, Maksın Monzada dediklərini xatırlayın. O, orada bildirmişdi ki, daha çox basmaq, həddi daha çox axtarmaq lazımdır. İndi Maksın təkcə onu diqqətlə dinləyən deyil, həm də performansı tapmaqda ona kömək edən komanda rəhbəri var.

Mən bəzən Loranla danışıram, amma onun işinə həddindən artıq qarışmaq istəmirəm. Mən burada ata kimi varam. Nə üzərində çalışdığını görürəm və ona öz işini görməyə imkan verirəm. Hazırda hisslər tamamilə fərqlidir, hər şey olması lazım olduğu kimidir. Son iki ildə bu hiss ümumiyyətlə yox idi, bunu açıq deyirdim. Komandada da, Maksda da fərqli ab-hava hiss olunurdu. İndi isə Maks xoşbəxtdir, işlər həqiqətən yaxşı gedir”.

Xatırladaq ki, daha əvvəl Yos Verstappen Kristian Hornerin rəhbərliyini kəskin tənqid etmiş, əsas mütəxəssislərin gedişində və komandadakı mənfi atmosferdə onu günahlandırmışdı. Loran Mekisin gəlişindən sonra “Red Bull” çempionluq mübarizəsində “Maklaren”i yaxalaya bilsə də, Maks Verstappen titul yarışında Lando Norrisə cəmi iki xal fərqlə uduzub.