“MotoGP də gələcək seçimlərimdən biri ola bilər”

“Red Bull” komandasının pilotu, Formula-1 üzrə dördqat dünya çempionu Maks Verstappen gələcək karyerası ilə bağlı açıqlama verib.

90deqiqe.Az-ın "PlanetF1"ə istinadən məlumatına görə, niderlandlı sürücü Formula-1-dən sonra digər yarış seriyalarında, o cümlədən MotoGP-də çıxış etmə ehtimalını istisna etmədiyini bildirib:

“GT-3 kimi layihələr mənə maraqlıdır. Bir mərhələdə Formula-1 artıq seçim olmayacaq, lakin digər çempionatlar mövcud olacaq. MotoGP də məni həyəcanlandıra biləcək variantlardan biridir”

Qeyd edək ki, Maks Verstappen son Formula-1 mövsümünü 421 xalla şəxsi hesabda ikinci pillədə başa vurub.

Xatırladaq ki, “Red Bull”un sabiq məsləhətçisi Helmut Marko daha əvvəl Verstappenin qeyri-adi potensialını onunla ilk görüş zamanı gördüyünü açıqlamışdı.