“Aston Martin” Barselona testini ləğv edib

Formula-1 komandası “Aston Martin” planlaşdırdığı çəkiliş gününü ləğv edib.

90deqiqe.Az xəbər verir ki, komanda şənbə günü Barselona-Kataloniya trasında keçirilməli olan test gününü dayandıraraq Silverstun bazasına qayıdıb. 

 Cümə günü komanda yeni bolid AMR26 ilə ilk tam test gününü keçirdi. Bolidin sükanı arxasında Ferndando Alonso otururdu. İspaniyalı pilot yeni texniki direktor Edrian Nüinin komandaya qoşulmasının yaratdığı xüsusi atmosferi vurğulayıb.

Qeyd edək ki, əvvəlcə “Aston Martin” nümayəndələri üç günlük shake-down testindən sonra əlavə yürüşlər keçirməyi planlaşdırdıqlarını açıqlamışdılar.

Formula-1 komandalarının qalan təqdimat cədvəli:

• 2 fevral — “Mercedes”

• 3 fevral — “Uilliams”

• 8 fevral — “Kadillak”

• 9 fevral — “Aston Martin”, “Maklaren”