“Red Bull” rəhbəri Bəhreyndəki pre-sezon testlərinin ilk üç gününü buraxacaq

Formula-1 komandası “Red Bull”un rəhbəri Loran Meksis bu ilki pre-sezon testlərinin Bəhreyn mərhələsinin ilk üç günündə iştirak etməyəcək.

90deqiqe.Az xəbər verir ki, bu barədə "RacingNews365" xəbər yayıb.

Məlumata görə, 48 yaşlı mütəxəssis evdə qalıb və kiçik, planlı tibbi prosedurdan sonra istirahət edir. Onun komandası ilə daimi əlaqə saxlayacağı və ikinci pre-sezon testlərində, 18-20 fevral tarixlərində Bəhreyn Beynəlxalq Avtoyarış Trasında iştirak edəcəyi gözlənilir.

Testlərin cədvəlində hər gün Bakı vaxtı ilə 15:00-dan 16:00-dək fasilə nəzərdə tutulub. Bütün 11 komanda bu testlərdə iştirak edəcək. “Uilliams” isə yeni maşını FW48-i təqdim edəcək; bu avtomobil yanvarın sonunda Barselonada qapalı testlərdə sınanmayıb.

Qeyd edək ki, bu, Formula-1-in yeni tənzimləmələri çərçivəsində keçirilən üç test blokundan ikincisidir. Növbəti testlər də eyni məkanda, Bəhreyn trasında, 18-20 fevral tarixlərində keçiriləcək.