Fettel “Red Bull”a qayıtmaq ehtimalından danışıb

Almaniyalı dördqat Formula-1 çempionu Sebastyan Fettel yenidən “Red Bull” komandasına avtosport üzrə məsləhətçi kimi qayıtma ehtimalı barədə danışıb.

90deqiqe.Az xəbər verir ki, "Motorsport-Magazin" pilotçunun dediklərini belə çatdırıb.

“Yaxınlarda başa düşdük ki, Helmutu heç kim əvəz edə bilməz. Və bu yaxşıdır. Mən bir neçə dəfə onunla bu [məsələni, yəni onun vəzifəsini qəbul etmək imkanını] qısaca danışdım. "Red Bull"da hamı bilirdi ki, Helmutun komandadakı rolu çox önəmlidir və bu əvvəlcədən planlaşdırılmamışdı, sadəcə belə alındı.

Formula-1-də rəhbər vəzifədə işləməyə hazıram? Bu, əsasən həmin rolun nəyi əhatə etməsindən və mənim üçün uyğun olub-olmamasından asılıdır. Harada rahat olacağam, hansı vəzifə mənim üçün çağırış olacaq və harada müəyyən zövq alacağam – bunlar önəmlidir.

Əlbəttə, keçmişim səbəbindən "Red Bull" ilə güclü əlaqəm var, amma mən başqa komandalar üçün də çıxış etmişəm və heç yerdə körpüləri yandırmamışam. Hələ də hər kəslə yaxşı münasibətim var”.