FİA Çin Qran-prisindən sonra “Aston Martin” bolidlərinin telemetriya məlumatlarını araşdırır

Beynəlxalq Avtomobil Federasiyası (FİA) Çin Qran-prisindən sonra “Aston Martin” komandası bolidlərinin telemetriya məlumatlarını araşdırır.

90deqiqe.Az-ın məlumatına görə, görüşdə Fernando Alonso və Lens Stroll mühərrik sistemindəki kritik titrəmələr səbəbindən yarışdan çıxmalı olublar.

Əgər texniki problem sürücülərin təhlükəsizliyinə təhdid yaradarsa, FİA komandaya yarışlardan müvəqqəti çıxarılma hüququna malikdir. Məlumatı “Formula Technica” yayıb.

Şanxay Qran-prisində Alonso 32-ci dövrədə əl və ayaqlarındakı həssaslığı itirdiyi üçün yarışdan çıxıb. Onbord görüntülərində görmək olar ki, ikiqat dünya çempionu düz xətlərdə əllərini sükan üzərindən qaldıraraq onları hərəkət etdirir. 20-ci dövrədə radio ilə “hərəkət edə bilməyən hisslər”dən xəbər verib. Stroll isə 9-cu dövrədə eyni titrəmələrdən yaranmış batareya zədələnməsi səbəbindən yarışdan kənar qalıb.

Problemin mənbəyi MGU-K sistemində xroniki yüklənmədir, yüksək tezlikli titrəmələr şassi, pedal və oturacaq boyunca yayılır. Çin mərhələsindən əvvəl “Honda” mühəndisləri titrəmələri azaltmağa çalışıblar, lakin bu, batareyanın tam dolmasına imkan verməyib. Əlavə güc tələb olunanda titrəmələr geri qayıdır.

Problem struktur xarakterlidir – ani sürətlənmə zamanı avtomobil demək olar ki, hissələrə ayrılır. Əgər “Aston Martin” və “Honda” problemi həll etməsələr, FİA komandaya texniki problemlər aradan qaldırılana qədər yarışlardan kənar qalmaq barədə qərar verə bilər.