“Həmilton artıq limitinə çatıb”

"Formula-1"in sabiq pilotu Kristian Danner 41 yaşlı britaniyalı sürücü və yeddiqat dünya çempionu Luis Həmiltonun (“Ferrari”) artıq öz imkanlarının həddinə çatdığını və əvvəlki kimi sürətli ola bilmədiyini bildirib.

90deqiqe.Az xəbər verir ki, "RacingNews365" sabiq pilotçunun dediklərini belə çatdırıb.

“Lekler artıq müasir dövrün etalonudur, yüksək səviyyəli pilotdur və müəyyən məqamda sadəcə eyni tempi qorumaq mümkün olmur. Bir vaxtlar Gerhard Berqer mənə etiraf etmişdi ki, elə bir yaşa çatıb ki, artıq yüksək tempdə yarışa bilmirdi. O hələ də sürətli idi və hətta Qran-pri də qazanmışdı, amma əvvəlki ‘xüsusi üstünlük’ artıq yox idi.

Hər kəs sonda öz limitinə çatır, amma ondan o yana keçmək üçün elə bir unikal an lazımdır ki, hər şey avtomatik baş versin: döngəyə daxil olursan və düşünmədən növbəti döngəni qabaqlayırsan, onu keçib dərhal tam qaz verirsən. Yaş artdıqca bu cür məqamları idarə etmək artıq daha çətin olur”, – deyə Danner bildirib.