“Verstappen üçün ən real variantlar "Mersedes" və "Maklaren"dir”

Formula 1-in sabiq pilotu Ralf Şumaxer dördqat dünya çempionu Maks Verstappenin gələcək karyerası ilə bağlı fikirlərini bölüşüb.

90deqiqe.Az xəbər verir ki, onun sözlərinə görə, hər bir variant mümkündür, lakin bəzi komandalar sürücü üçün daha uyğun görünür.

“Mümkün olan hər şey var. Bir çox pilot ‘Ferrari’yə keçmək istəyir — bu, Formula 1-də tamamilə xüsusi bir brenddir.

Düşünürəm ki, Maks ‘Mersedes’də özünü çox rahat hiss edərdi. Həmçinin GT3 layihəsi və oradakı komanda işi, üstəlik ‘Mersedes’ mühərriki — onlar həmişə ən yaxşı motorları hazırlayır.

‘Ferrari’ variantını isə təsəvvür etmək mənim üçün çətindir. Maks müəyyən mənada komanda strukturuna uyğunlaşmalı olardı, amma o, liderlik etməyə öyrəşib. Əgər o, hazırkı vəziyyətdə olan komandaya tək gəlsə, bu, kifayət etməz.

Mənim qardaşım Mixael isə vaxtilə oraya güclü komanda ilə gəlmişdi və bu, uğurun əsas səbəblərindən biri idi. Sadəcə bir pilotun gəlişi yetərli deyil. Ona görə də məncə, onun üçün ən real variantlar ‘Mersedes’ və ya ‘Maklaren’dir”, – deyə Şumaxer bildirib.