Rassell Kanada sprintinin qalibi oldu

Bu gün Monrealda yerləşən “Jil Vilyov” adına beynəlxalq avtodromda 2026-cı il mövsümünün Formula 1 üzrə Kanada Qran Prisinin beşinci mərhələsinin sprint yarışı keçirilib.

90deqiqe.Az xəbər verir ki, yarışın qalibi “Mercedes” komandasının pilotu Corc Rassell olub. İkinci yeri “Maklaren”in sürücüsü, hazırkı dünya çempionu Lando Norris tutub. İlk üçlüyü “Mercedes”dən ümumi sıralamanın lideri Andrea Kimi Antonelli tamamlayıb.

Yarışın 5-ci dövrəsində “Mercedes” pilotları arasında insident baş verib: Corc Rassell komanda yoldaşı Kimi Antonellinin ötmə cəhdinə qarşı sərt müdafiə olunub. Nəticədə Antonelli trasdan kənara çıxıb, daha sonra mövqeyini itirib və emosional reaksiyalar sərgiləyib. Komanda rəhbəri Toto Volf vəziyyətə müdaxilə edərək italiyalı pilotu sakitləşdirib.

Formula 1. Kanada Qran Prisi. Sprint:

1. Corc Rassell (“Mercedes”) — 23 dövrə

2. Lando Norris (“Maklaren”) +1.272
3. Andrea Kimi Antonelli (“Mercedes”) +1.843
4. Oskar Piastri (“Maklaren”) +9.797
5. Şarl Lekler (“Ferrari”) +9.929
6. Luis Həmilton (“Ferrari”) +10.545
7. Maks Ferstappen (“Red Bull”) +15.935
8. Arvid Lindblad (“Racing Bulls”) +29.710
9. Franko Kolapinto (“Alpine”) +31.621
10. Karlos Sayns (“Williams”) +36.793
11. Liam Louson (“Racing Bulls”) +1:01.344
12. Qabriel Bortoleto (“Audi”) +1:01.814
13. Esteban Ocon (“Haas”) +1:04.209
14. Serxio Peres (“Cadillac”) +1:10.402
15. Niko Hülkenberq (“Audi”) +1:12.158
16. Lens Stroll (“Aston Martin”) +1 dövrə
17. Valtteri Bottas (“Cadillac”) +1 dövrə
18. Oliver Berman (“Haas”) +1 dövrə
19. Aleks Albon (“Williams”) +1 dövrə
20. Pyer Qasli (“Alpine”) +1 dövrə
21. İsak Haciar (“Red Bull”) +3 dövrə
22. Fernando Alonso (“Aston Martin”) — yarışı başa vurmayıb (19-cu dövrə)