“Mercedes” mövsümün ikinci yarısında bolidini yeniləyəcək

“Mercedes” komandasının rəhbər müavini Bredli Lord mövsümün ikinci yarısında bolidə ediləcək yeniliklər və komandanın inkişaf strategiyası barədə danışıb.

90deqiqe.Az-ın “Auto Motor und Sport”ə istinadən məlumatına görə, “Mercedes” rəsmi FIA siyahısında yer almayan bir sıra kiçik dəyişikliklər həyata keçirərək mövcud mövqeyini qoruyub.

“Biz rəsmi FIA siyahısında yer almayan çoxsaylı kiçik detalları təkmilləşdirdik və bu, mövqeyimizi qorumağımıza imkan verdi. Aerodinamik tuneldə hər həftə dövrə vaxtına müəyyən üstünlük gətirən yenilik tapmaq mümkündür. Xərclər limitinin olduğu şəraitdə əsas məsələ yeni detalların nə vaxt trasa gətiriləcəyini və sürət artımının nə zaman reallaşdırılacağını düzgün müəyyənləşdirməkdir. İdeal halda, yenilik hansısa detalın onsuz da istifadə müddətinin sonuna yaxınlaşdığı vaxt tətbiq olunur. Əsas məsələ düzgün zamanı seçməkdir”, – deyə Lord bildirib.

“Mercedes” yay fasiləsindən sonra bolidində nəzərəçarpacaq təkmilləşdirmələr etməyi planlaşdırır. Komanda yeniliklərin rəqiblər üzərində üstünlüyü qorumağa və çempionatdakı liderliyini mövsümün sonunadək saxlamağa kömək edəcəyinə ümid edir.

Bununla yanaşı, mənbənin məlumatına görə, “Mercedes” 2026-cı il mövsümü üçün “Maklaren”in özəl qanadının hazırlanmasını dayandırmış ola bilər. Buna səbəb həmin detalın hazırlanması və istehsalının yüksək xərc tələb etməsidir.

Bildirilir ki, azad olunan resurslar komandanın növbəti mövsüm üçün bolidin hazırlanmasına yönəldiləcək.