Rassell Monzada ikinci sərbəst yürüşün qalibi oldu

“Mercedes” komandasının pilotu Corc Rassell İtaliya Qran-prisinin Monza trasında keçirilən ikinci sərbəst yürüşdə ən yaxşı nəticəni göstərib.

90deqiqe.Az-ın məlumatına görə, britaniyalı pilot 1:22.559 nəticə ilə finişə çataraq “Ferrari”nin pilotu Şarl Lekleri 0,120 saniyə qabaqlayıb. “Mercedes”in digər pilotu Andrea Kimi Antonelli isə liderdən 0,141 saniyə geri qalaraq üçüncü olub.

“Maklaren”dən Lando Norris dördüncü, “Ferrari”nin digər pilotu Lyuis Hemilton beşinci, Oskar Piastri isə altıncı pillədə qərarlaşıb.

“Racing Bulls”un pilotu Arvid Lindblad yeddinci, “Haas”dan Oliver Berman səkkizinci, “Red Bull”un üçqat dünya çempionu Maks Ferstappen doqquzuncu olub. İlk onluğu Yuki Tsunoda tamamlayıb.

Digər nəticələr:
11. Franko Kolapinto (“Alpin”) – +1,060
12. Liam Louson (“Red Bull”) – +1,101
13. Niko Hülkenberq (“Audi”) – +1,173
14. Pyer Qasli (“Alpin”) – +1,214
15. Qabriel Bortoleto (“Audi”) – +1,217
16. Aleks Albon (“Uilliams”) – +1,294
17. Karlos Sayns (“Uilliams”) – +1,341
18. Esteban Okon (“Haas”) – +1,848
19. Fernando Alonso (“Aston Martin”) – +2,468
20. Serxio Peres (“Cadillac”) – +2,523
21. Valtteri Bottas (“Cadillac”) – +2,590
22. Lens Stroll (“Aston Martin”) – +2,694.

Qeyd edək ki, İtaliya Qran-prisi Monzadakı məşhur trasda keçirilir. Yarış həftəsonunun əsas mübarizəsi bazar günü baş tutacaq.