- Formula-1
- 13:30 16.09.2026
2027-ci il Formula 1 dünya çempionatının təqvimi açıqlanıb.
Bakı Şəhər Halqasından 90deqiqe.Az-a verilən məlumata görə, Azərbaycan Qran-prisi gələn il sentyabrın 24-26-da keçiriləcək. Beləliklə, Bakı mərhələsi ardıcıl olaraq ikinci il eyni tarixlərdə təşkil olunacaq.
2027-ci il mövsümü martın 12-14-də Bəhreyn Qran-prisi ilə başlayacaq. Dünya çempionatının sonuncu mərhələsi isə dekabrın 10-12-də Birləşmiş Ərəb Əmirliklərinin Əbu-Dabi şəhərində keçiriləcək.
Yeni mövsüm 22 ölkədə təşkil olunacaq 24 Qran-pridən ibarət olacaq. Sprint yarışlarının sayı isə 6-dan 10-a çatdırılacaq.
Mövsümün ilk rəsmi mövsümöncəsi testləri fevralın 24-27-də Bəhreyndəki “Sahir” trasında keçiriləcək.
FIA prezidenti Məhəmməd ben Sulayem və Formula 1-in prezidenti Stefano Domenikali yeni təqvimin idmanın qlobal inkişafını və azarkeş marağının artmasını əks etdirdiyini bildiriblər.
Beləliklə, 2026 və 2027-ci illərdə Azərbaycan Qran-prisi eyni tarixlərdə – sentyabrın 24-26-da keçiriləcək.
Qeyd edək ki, 2027-ci ildə Portuqaliya və Türkiyə Qran-priləri də Formula 1 təqviminə qayıdacaq.
