- Formula-1
- 23:34 22.09.2026
Formula 1-də virtual təhlükəsizlik avtomobilindən (VSC) istifadə qaydalarının dəyişdirilməsi ilə bağlı müzakirələrdən nəticə çıxmayıb.
90deqiqe.Az-ın “BBC Sport"a istinadən məlumatına görə, məsələ ötən həftə FİA-nın İdman Məsləhət Komitəsinin iclasında müzakirə olunsa da, mümkün dəyişikliklərlə bağlı razılıq əldə edilməyib. Mövzu bazar ertəsi Formula 1 Komissiyasının iclasının gündəliyinə də daxil edilib, lakin burada da ciddi irəliləyiş olmayıb.
Məsələ “MakLaren” pilotu Lando Norrisin Madriddə keçirilən yarışda VSC-nin tətbiq olunduğu məqam səbəbindən qələbəni itirməsindən sonra aktuallaşıb. Norrisin sözlərinə görə, pilotlar daha əvvəl FİA ilə VSC-nin ən azı bir tam dövrə qüvvədə qalması təklifini müzakirə ediblər.
Bu variantın da mənfi tərəfləri var. Belə bir qayda tətbiq edilərsə, trasda cəmi bir neçə kiçik qalıq olsa belə, VSC tam bir dövrə davam edə bilər. Halbuki virtual təhlükəsizlik avtomobili məhz uzunmüddətli məhdudiyyət yaratmadan kiçik insidentlərin aradan qaldırılması üçün tətbiq edilib.
Təhlükəsizlik avtomobilinin tətbiqi pilotlara həm mövqe qazanmaq, həm də itirmək imkanı verir və VSC-də də oxşar vəziyyətin yaranması təbii qarşılanmalıdır.
Belə hallar mövsüm ərzində adətən bir-birini kompensasiya edir. Bununla belə, Madriddə Norrisin yaşadığı vəziyyətin nəticələri daha ciddi olub. Həmin yarışda VSC-dən Antonelli faydalanıb. Digər yarışlarda isə oxşar vəziyyətlərdə italiyalı pilot mövqe itirib.
Məsələn, Barselonada VSC Luis Hemiltona liderliyə yüksəlmək imkanı verib. Lakin sonradan Antonellinin mübarizədən kənarda qalması bu üstünlüyün əhəmiyyətini aradan qaldırıb.
Hazırda VSC qaydalarının dəyişdirilməsi ilə bağlı yekun qərar qəbul edilməyib.
