“Bəzi traslar məhv edilib”

İkiqat dünya çempionu, “Aston Martin” komandasının pilotu Fernando Alonso yeni reqlamentin bəzi mərhələlərə mənfi təsir göstərdiyini bildirib.

90deqiqe.Az--ın məlumatına görə, “Autosport” ispaniyalı pilotçunun dediklərini belə çatdırıb

“Düşünürəm ki, başa çatan yarışlardan nəticə çıxarmalıyıq. Silverstoun var idi – inanılmaz trasdır, amma artıq əvvəlki kimi həyəcanlı deyil. Spa da var idi, orada, xüsusən “O-Ruj” döngəsini keçmək demək olar ki, utancverici idi. Suzukadakı 130R döngəsi də həmçinin... Bu il bəzi traslar məhv edilib”

Qeyd edək ki, Alonso daha əvvəl 20 ildən artıq davam edən Formula 1 karyerasında ən çox nə ilə fəxr etdiyini açıqlamışdı.