Formula 2 Azərbaycan Qran-Prisində sərbəst yürüş başa çatıb

Bakıda keçirilən Formula 2 üzrə Azərbaycan Qran-Prisində sərbəst yürüş sessiyası başa çatıb.

90deqiqe.Az-ın məlumatına görə, 45 dəqiqə davam edən yürüşün nəticələrinə əsasən, “Art Grand Prix” komandasının hindistanlı pilotu Kuş Maini ən yaxşı nəticəni göstərib.

“Rodin”in irlandiyalı sürücüsü Aleks Dan ikinci, “Campos” komandasının bolqarıstanlı pilotu Nikola Tsolov isə üçüncü olub.

Qeyd edək ki, bu gün saat 12:30-dan 13:30-dək Formula 1 üzrə sərbəst yürüş keçiriləcək.

Azərbaycan Qran-Prisində 11 komandadan 22 pilot mübarizə aparır. Bakı şəhər trekinin uzunluğu 6 kilometrdir.