Maks Verstappen Sinqapur Qran-prisinin poulunu qazandı

“Red Bull” komandasının pilotu Maks Verstappen Formula 1 üzrə Sinqapur Qran-prisinin sıralanma turunda ən yaxşı nəticəni göstərib.

90deqiqe.Az-ın məlumatına görə, niderlandlı pilot “Marina Bey” şəhər trasında 1:31.373 saniyəlik nəticə ilə poul mövqeyini əldə edib. Verstappen üçüncü seqmentdə ilk cəhdində göstərdiyi nəticə ilə əsas rəqibləri “Ferrari” pilotlarını qabaqlayıb.

Şarl Lekler son cəhdində nəticəsini yaxşılaşdıraraq ikinci yeri tutub. Lyuis Hemilton və Andrea Kimi Antonelli müvafiq olaraq üçüncü və dördüncü yerlərdə qərarlaşıblar. Hazırkı dünya çempionu Lando Norris ilk beşliyi tamamlayıb.

Corc Rassell isə altıncı nəticəni göstərib. Bununla belə, güc qurğusunun dəyişdirilməsinə görə aldığı cəza səbəbindən britaniyalı pilot yarışa start düzülüşünün sonundan başlayacaq.

Formula 1. Sinqapur Qran-prisi, sıralanma turunun nəticələri:

1. Maks Verstappen (“Red Bull”) – 1:31.373

2. Şarl Lekler (“Ferrari”) – +0.054

3. Lyuis Hemilton (“Ferrari”) – +0.123

4. Andrea Kimi Antonelli (“Mercedes”) – +0.189

5. Lando Norris (“McLaren”) – +0.339

6. Corc Rassell (“Mercedes”) – +0.374

7. Oskar Piastri (“McLaren”) – +0.487

8. Pyer Qasli (“Alpine”) – +0.852

9. Liam Louson (“Racing Bulls”) – +0.996

10. Arvid Lindblad (“Racing Bulls”) – +1.408

İkinci seqmentdən sonra mübarizəni dayandıran pilotlar:

11. Niko Hülkenberq (“Audi”) – 1:32.784

12. Oliver Berman (“Haas”) – 1:32.908

13. Esteban Okon (“Haas”) – 1:33.323

14. Karlos Sayns (“Williams”) – 1:33.526

15. Qabriel Bortoleto (“Audi”) – 1:33.658

16. Franko Kolapinto (“Alpine”) – 1:33.787

Birinci seqmentdən sonra mübarizəni dayandıran pilotlar:

17. Fernando Alonso (“Aston Martin”) – 1:34.223

18. Aleks Albon (“Williams”) – 1:34.289

19. Lens Stroll (“Aston Martin”) – 1:34.946

20. Serxio Peres (“Cadillac”) – 1:35.123

21. Valtteri Bottas (“Cadillac”) – 1:35.984

22. İsak Hac ar (“Red Bull”) – nəticə göstərməyib