- Formula-1
- 01:59 08.11.2026
“Maklaren” komandasının pilotu Lando Norris “Formula-1” üzrə Braziliya Qran-prisinin San-Pauluda keçirilən sıralanma turunun qalibi olub.
90deqiqe.Az-ın məlumatına görə, o, çətin hava şəraitində 1:27.470 nəticə göstərərək poul qazanıb.
“Mercedes” pilotu Corc Rassell ikinci yeri tutsa da, güc qurğusunun komponentlərinin dəyişdirilməsinə görə aldığı cəza səbəbindən start düzülüşündə daha geridən başlayacaq. Beləliklə, ikinci yerdən onun komanda yoldaşı Andrea Kimi Antonelli start götürəcək.
“Racing Bulls” pilotu Liam Louson sıralanma turunu beşinci pillədə başa vursa da, Rassellin cəzası sayəsində yarışa üçüncü yerdən başlayacaq.
Maks Verstappen ikinci seqmentdə vaxt göstərə bilməyib və aldığı cəzaya görə start düzülüşünün sonundan yarışa başlayacaq. “Ferrari” pilotu Lyuis Həmilton isə sıralanma turunda 11-ci olsa da, sabahkı yarışa o da sonuncu yerlərdən start verəcək.
Qeyd edək ki, yağış və Rafael Kamarının qəzası səbəbindən sıralanma turu iki dəfə qırmızı bayraqlarla dayandırılıb.
Braziliya Qran-prisinin sıralanma turunun nəticələri:
Lando Norris (“Maklaren”) – 1:27.470
Corc Rassell (“Mercedes”) – +0.204
Andrea Kimi Antonelli (“Mercedes”) – +0.625
Şarl Lekler (“Ferrari”) – +0.819
Liam Louson (“Racing Bulls”) – +0.851
Niko Hülkenberq (“Audi”) – +1.198
İsak Hacar (“Red Bull”) – +1.293
Oliver Berman (“Haas”) – +2.361
Fernando Alonso (“Aston Martin”) – +2.841
Aleks Albon (“Williams”) – +2.986
İkinci seqmentdə mübarizəni dayandıranlar:
Luis Həmilton (“Ferrari”) – 1:30.001
Oskar Piastri (“Maklaren”) – 1:30.369
Rafael Kamara (“Haas”) – 1:31.515
Arvid Lindblad (“Racing Bulls”) – 1:31.687
Karlos Sayns (“Williams”) – 1:31.785
Maks Verstappen (“Red Bull”) – vaxt göstərməyib
Birinci seqmentdə mübarizəni dayandıranlar:
Franko Kolapinto (“Alpine”) – 1:33.327
Pyer Qasli (“Alpine”) – 1:33.449
Lens Stroll (“Aston Martin”) – 1:33.653
Valtteri Bottas (“Cadillac”) – 1:33.774
Serxio Peres (“Cadillac”) – 1:34.509
Qabriel Bortoleto (“Audi”) – 1:41.564
