PSJ-nin hücumçusu Kilian Mbappe yeni rekorda imza atıb.
Corner.az-ın xarici mətbuata istinadən məlumatına görə, 20 yaşlı hücumçu buna Liqa1-in 17-ci turunda "Sent-Etyen"lə görüşdə nail olub.
Paris klubunun 4:0 hesablı qələbə qazandığı matçda Mbappe dubla imza atıb. O, bununla Fransa çempionatda 70 qol həddinə çatan ən gənc futbolçu kimi tarixə düşüb. Hazırda 20 yaş 359 günlüyündə olan Mbappe 1975-ci ildə bu rekorda imza atan Bernardo Lakombanı (22 yaş 163 gün) qabaqlayıb.
Qeyd edək ki, Kilian Mbappe bundan əvvəl karyerası ərzində ən tez 100 qol vurmaq baxımından Lionel Messi və Kriştiano Ronaldonu keçmişdi.
